Xarici xəbərlər

Rusiya Kiyev və ətraf bölgələrə kütləvi raket hücumu həyata keçirib

Rusiya Silahlı Qüvvələri bu gün səhər saatlarında Kiyev şəhərinə və ətraf bölgələrə genişmiqyaslı raket zərbələri endirib. Monitorinq platformalarının məlumatına görə, hücumun əsas hədəfi enerji infrastrukturu olub. Zərbələr nəticəsində bir sıra enerji obyektlərində nasazlıqlar yaranıb.

Bu barərə Crossmedia.az xarici KİV-ə istinadən xəbər verir.

Kiyev meri Vitali Kliçko bildirib ki, şəhərin xüsusilə qərb hissəsi tamamilə işıqsız qalıb. Şəhər kommunal xidmətləri elektrik təchizatının bərpası üçün təcili işlərə cəlb olunub.

Kiyev Vilayət Hərbi Administrasiyasının yaydığı məlumata əsasən, Fastr şəhərində də elektrik kəsintiləri baş verib. Vilayətin bəzi digər ərazilərində də enerji təchizatında problemlər qeydə alınıb.

Türkanə Məşədiyeva

🖨 Çap et

11:55 29.11.2025

Oxunuş sayı: 957