Hüququn qoruyucuları: Azərbaycan ədliyyə orqanları işçilərinin peşə bayramı
Azərbaycan dövlətçiliyinin bu sahədə möhkəm hüquqi və institusional təməllərinin yaranması Ümummilli Lider Heydər Əliyevin adı ilə sıx bağlıdır. Müstəqilliyimizin bərpasından sonra hüquq sisteminin yenidən qurulması, ədliyyə orqanlarının strukturlaşdırılması, məhkəmə-hüquq islahatlarının başlanması məhz Ulu Öndərin siyasi iradəsi və uzaqgörənliyinin nəticəsi olmuşdur. Heydər Əliyev ədliyyə orqanlarını dövlət idarəçiliyinin ən vacib sütunlarından biri hesab edir, bu qurumun peşəkarlığının və nüfuzunun artırılmasını dövlət siyasətinin prioritet istiqamətləri sırasında tuturdu.
Bu gün həmin siyasi kurs Prezident İlham Əliyev tərəfindən uğurla və ardıcıl şəkildə davam etdirilir. Ölkəmizdə həyata keçirilən genişmiqyaslı məhkəmə-hüquq islahatları, elektron ədliyyə xidmətlərinin tətbiqi, məhkəmə infrastrukturunun müasirləşdirilməsi, vətəndaşların hüquq müdafiəsinə dair şəffaf və effektiv mexanizmlərin yaradılması bu diqqət və qayğının bariz nümunələridir. Prezidentin rəhbərliyi ilə ədliyyə orqanlarının maddi-texniki bazası gücləndirilmiş, müasir idarəetmə modelləri tətbiq edilmiş, insan hüquqlarının qorunmasına yönəlmiş yeni institusional çərçivə formalaşdırılmışdır.
Bu peşə bayramı günündə dövlətimizə, hüquq sistemimizin möhkəmlənməsinə, qanunun aliliyinin təmininə xidmət edən bütün ədliyyə işçiləri xüsusi ehtiramla yad olunur. Onların gördüyü məsuliyyətli və şərəfli xidmət cəmiyyətimizin rifahına, dövlətçiliyimizin güclənməsinə mühüm töhfə verir.
Azərbaycan ədliyyə işçilərini peşə bayramı münasibətilə təbrik edir, fəaliyyətlərində uğurlar, dövlətimizin inkişafına yönəlmiş nəcib missiyalarında daim yüksək peşəkarlıq və nümunəvi xidmət arzulayıram.
Elmir Heydərli
13:02 22.11.2025
Oxunuş sayı: 7514
