Pezeşkian: Sanksiyalar xoşagəlməzdir, ancaq bu, son deyil
Dünən İran prezidenti Məsud Pezeşkian Nyu-Yorkda müharibə əleyhdarları ilə görüşdə ABŞ-nin sanksiyalarına və ikitərəfli münasibətlərə dair açıqlamalar verib.
Crossmedia.az-ın məlumatına görə, o bildirib ki, sanksiyaların bərpası xoşagəlməzdir, lakin İran buna təslim olmayacaq: “Bu, yolun sonu deyil. İran sülh istəyir, amma heç vaxt gücə boyun əyməyəcək”.
Pezeşkian Tehranın nüvə silahı əldə etmək niyyətində olmadığını vurğulayıb və bildirib ki, dialoq yalnız bərabər əsasda və zorakılıqdan uzaq mümkündür.
O, İran və ABŞ xalqları arasında qarşılıqlı əlaqəni dəstəklədiyini desə də, bu münasibətlərə əsas əngəlin Amerika hökuməti olduğunu qeyd edib.
10:55 25.09.2025
Oxunuş sayı: 3180
