Entoni Albaneze: İran səfirini terrora dəstəyə görə ölkədən qovduq
Avstraliyanın Baş naziri Entoni Albaneze BMT Baş Assambleyasında çıxışı zamanı deyib ki, ölkəsi İranın cinayətkar və qorxaq addımlarına cavab olaraq İran səfirini Avstraliyadan çıxarıb.
Crossmedia.az xəbər verir ki, Albanezenin sözlərinə görə, Avstraliyanın təhlükəsizlik qurumları ötən ay Melburndakı sinaqoqun və Sidneydəki yəhudi restoranının yandırılması hadisələrinin arxasında Tehranın dayandığını müəyyən edib.
“Bu hücumlar qorxu yaratmaq məqsədi daşıyır və İran hakimiyyətinin cinayətkar və qorxaq davranışlarının bir hissəsidir. Biz İslam Respublikasının səfirini Avstraliyadan qovduq. Bu, İkinci Dünya Müharibəsindən sonra ilk belə haldır”, – deyə, nazir bildirib.
Baş nazir, habelə, vurğulayıb ki, BMT tribunasından bir daha dünyaya açıq mesaj verilir: “Antisemitizmə yer yoxdur”
10:52 25.09.2025
Oxunuş sayı: 3557
