Ermənistan Müdafiə nazirinin müşavirinin oğlu həbs olunub
Müdafiə naziri Suren Papikyanın müşavirinin oğlu qətl işi üzrə saxlanılıb.
Crossmedia.az xəbər verir ki, bu barədə Ermənistan mətbuatı məlumat yayıb.
Xəbərə əsasən, hüquq-mühafizə orqanları 24 yaşlı gəncin öldürülməsi ilə bağlı üç nəfəri şübhəli şəxs qismində müəyyən edib. Onlardan biri – general, Müdafiə nazirinin müşaviri olan şəxsin oğlu Artashes Tonoyan məhkəmə qərarı ilə həbs edilib.
Qeyd olunur ki, hadisə avqustun 15-də Proşyan kəndində baş verib. Həmin gün 24 yaşlı Mamikon D. güllə yarası ilə xəstəxanaya çatdırılıb, lakin həkimlərin səylərinə baxmayaraq, onun həyatını xilas etmək mümkün olmayıb.
Mətbuatda yayılan məlumatlara görə, qətl “kriminal aləmdə ‘Tolstoy Rustam’ kimi tanınan” Rüstəm Stepanyanın evinin yaxınlığında qeydə alınıb. Mərhumun kriminal dairələrlə əlaqəsi olmadığı bildirilib. Onun hadisə yerində necə olduğu və güllə yarası almasının səbəbləri hələlik məlum deyil.
Xumar Emilqızı
11:53 21.08.2025
Oxunuş sayı: 4345
