Bakıda ağ amerikan kəpənəyi ilə mübarizəyə start verilib
Son günlər paytaxt ərazisində ipəkqurduna bənzər tırtılların kütləvi şəkildə yayılması müşahidə olunub. Onlar ilk növbədə tut ağaclarını, həmçinin alma, ərik, gavalı, şaftalı və onlarla digər bitki növünü zədələyir.
Crossmedia.az bildirir ki, ekologlar müəyyən ediblər: bu tırtıllar Azərbaycan üçün yeni invaziv növ sayılan ağ amerikan kəpənəyinə aiddir. Mütəxəssislərin sözlərinə görə, bu zərərverici yalnız yaşıllıqlara təhlükə yaradır, insanların sağlamlığı üçün isə hər hansı risk daşımır.
Hazırda Bakıda xüsusi preparatlarla ərazilərin gündəlik monitorinqi və müalicəsi aparılır. Məqsəd, zərərvericinin yayılmasının qarşısını tam şəkildə almaq və ocaqları məhv etməkdir.
Mehriban Yariyeva
10:49 21.08.2025
Oxunuş sayı: 755
