Zəngəzur dəhlizi bir çox ölkələri birləşdirəcək — AÇIQLAMA
Hər zaman olduğu kimi Azərbaycan regional və qlobal miqyasda
mühüm proseslərin aktiv iştirakçıdır. Şuşa şəhəri artıq üçüncü dəfədir ki,
Qlobal Media Forumuna ev sahibliyi etməklə, informasiya cəmiyyətinin və fikir
mübadiləsinin strateji məkanına çevrilir. Qarabağ münaqişəsinin başa çatması ilə
formalaşan yeni reallıqlar fonunda regionda sabitlik və əməkdaşlıq imkanları
daha da genişlənib. Zəngəzur dəhlizi layihəsi, separatizmin qalmış izlərinin məhv
edilməsi, Qələbə muzeyinin yaradılması və s. bu istiqamətdə konkret
simvollardır.
Mövzu ilə bağlı politoloq Arzuman Abdulkərimov Crossmedia.az-a açıqlama verib. O, ilk olaraq Şuşa Qlobal Media Formunun vacibliyini qeyd edib: "Şuşa Media Forumu artıq ənənəvi xarakter alıb. Bu ənənənin mövcudluğu və davam etməsi yaxşı haldır. Qonaqların sayı artır, coğrafi əhatə daha da genişlənir. Bu, həm media sahəsində, həm də ümumilikdə qlobal proseslər kontekstində aydın düşüncə və açıq dialoqa olan ehtiyacın göstəricisidir. Dünyada vəziyyət sürətlə dəyişir. Biz də buna uyğun addımlar atmalıyıq. Media, siyasi, iqtisadi, hərbi, texnoloji və s. sahələrdə çalışmalar həyata keçirilməsi, yeniliklərə açıq olmaq, bu istiqamətdə işlər görmək lazımdır. Bu Forum da media istiqamətində uğurlu çalışmalardandır".
Politoloq bildirib ki, Zəngəzur dəhlizinin geosiyasi,
iqtisadi və tarixi kontekstlərdə reallaşması regionda əməkdaşlıq və qarşılıqlı
münasibətlərin dəyişəcəyini söyləməyə əsas verir: “Daşımaların dəmir yolu və ya
avtomobil yolu ilə həyata keçirilməsinin zəruriliyindən danışarkən, təkcə Azərbaycanın
əsas hissəsinin onun Naxçıvan Muxtar Respublikası ilə birləşdirilməsini nəzərdə
tutmur. Söhbət həm də beynəlxalq tranzit dəhlizdən gedir. Azərbaycan nəqliyyat
və logistika infrastrukturuna çox fəal sərmayə qoyur. Müasir infrastrukturun
qurulması nəticəsində Azərbaycan ərazisindən tranzit daşımaların həcmi artır.
Bu çox böyük nailiyyətdir.
Zəngəzur dəhlizinin potensialı Azərbaycan tərəfdən ilkin mərhələdə
15 milyon ton yük səviyyəsində qiymətləndirilir. Bu böyük layihə olacaq.
Rusiyadan Azərbaycan vasitəsilə İrana, həm də Şərqi Zəngəzur və Zəngəzur bölgəsinin
digər hissələrindən İrana, oradan da Türkiyəyə”.
Politoloq qeyd edib ki, milli maraqların təmin edilməsi ölkəmizin əsas xarici siyasi hədəflərindən biridir: “Nəzərə almalıyıq ki, ölkəmiz hər zaman öz maraqları ilə bərabər qonşu ölkələrin maraqlarınıda hörmətlə yanaşır və dünya ölkələrinə öz humanist siyasəti ilə örnək olur. Milli maraqların təmin edilməsi isə Azərbaycanın xarici siyasətində əsas amildir. Tramp və onun adminstrasiyası Azərbaycanın milli maraqlarına uyğun gələn və bələd olan prezidentlərdən biridir. Qeyd etmək yerinə düşər ki, Trampın hakimyyətə gəlməsindən çox müddət keçməmiş artıq biz sülh məsələləri ilə bağlı addımların və çağırışların şahidi oluruq. Buna bariz sübut olaraq Azərbaycan-Ermənistan arasında gedən danışıqlar çərçivəsində sülhə edilən çağırışları vs göstərə bilərik. Tramp başda olmaqla onun adminstrasiyası Cənubi Qafqazdakı şəraiti də nəzarətdə saxlayır. Əlbəttə Trampın yenidən prezident seçilməsi bizləri çox sevindirir və əminəm ki, rəsmi Vaşinqton bu bataqlıqdan dünyanı sülh və ədalətlə çıxarmağa nail olacaq”.
15:12 23.07.2025
Oxunuş sayı: 26627
