ABŞ Rusiyaya xəbərdarlıq edib
"ABŞ prezidenti Donald Trampın Ukrayna böhranının həllində səbri hədsiz deyil".
Crossmedia.az xəbər verir ki , bunu ABŞ Dövlət Departamentinin mətbuat xidmətinin rəhbəri Temmi Bryus bildirib.
Bryus bildirib ki, Tramp Ukrayna böhranının həllinə dair diplomatik səylərə dəstək versə də, bu məsələdə səbrinin sonsuz olmadığını açıq şəkildə göstərib.
O bildirib ki, Trampın Ukraynaya əlavə müdafiə silahları vermək qərarı da onun prinsipial mövqeyinin bariz nümunəsidir:
“Tramp diplomatiyaya inanır, lakin eyni zamanda realistdir. O, İranla bağlı siyasətində və Rusiyaya qarşı atdığı addımlarda göstərdi ki, məqsədlərinə çatmaq üçün lazım gələrsə, sərt addımlar atmağa da hazırdır”.
Xatırladaq ki, iyulun 14-də Tramp Ukraynaya hərbi yardımın davam etdiriləcəyini və bu prosesin NATO ilə koordinasiya olunacağını açıqlayıb. Tədarüklərə 17 “Patriot” zenit-raket kompleksi də daxildir.
08:52 17.07.2025
Oxunuş sayı: 6779
