Xameneyi: “İllər keçsə belə, İsrail məsuliyyətə cəlb olunmalıdır”
Bu gün İranın ali rəhbəri Əli Xameneyi Məhkəmə-Ədliyyə Sisteminin rəsmiləri ilə görüşündə “sionist rejim” adlandırdığı İsrailin son hücumlarının hüquqi yolla izlənilməsinin vacibliyini vurğulayıb.
Crossmedia.az-ın məlumatına görə, O bildirib ki, bu cinayətlərin yerli və beynəlxalq məhkəmələrdə araşdırılması İranın məhkəmə-ədliyyə orqanlarının əsas vəzifələrindən biridir: “Əvvəlki illərdə biz bu məsələni ciddiyə almadıq. Bu dəfə isə bu səhvə yol verməyəcəyik".
Xameneyi qeyd edib ki, belə bir hüquqi proses 20 il də çəkə bilər, ancaq bu, problem deyil: “Əgər bu məsələnin arxasınca getmək iyirmi il çəksə belə heç bir problem yoxdur. Cinayətkar həbs olunmalıdır”.
18:36 16.07.2025
Oxunuş sayı: 7150
