İranda hakimiyyətin Xameneyidən varisinə ötürülməsi planları sürətlənib
Reuters-in yaydığı məlumata görə, İsraillə artan gərginlik və mümkün sui-qəsd təhlükələri fonunda İranın ali lideri Əli Xamneyi SEPAH-ın (İslam İnqilabı Keşikçiləri Korpusu) elit qüvvələrinin xüsusi mühafizəsi altında qorunur.
Crossmedia.az xəbər verir ki, agentliyin məlumatına görə, ali rəhbərin varisinin seçilməsi üzrə komitə fəaliyyətini intensivləşdirib. Hazırda iki əsas namizəd müzakirə olunur: Xamneyinin sərt xətti təmsil edən oğlu Müctəba Xamneyi və İran İslam Respublikasının banisi Ruhullah Xomeyninin mötədil siyasətçi kimi tanınan nəvəsi Həsən Xomeyni.
İran hakimiyyəti daxili sabitlik görüntüsünü qorumaq məqsədilə ali liderin ölümü halında varisin adını dərhal açıqlamağa hazırlaşır. Lakin Reuters qeyd edir ki, mövcud müharibə təhdidləri və xarici siyasi təzyiqlər fonunda belə bir keçidin təhlükəsiz və idarəolunan şəkildə həyata keçirilməsi sual altındadır.
22:50 23.06.2025
Oxunuş sayı: 8947
