Xarici xəbərlər
“İkili standartlar”: İsrailin ABŞ-dən nüvə silahı faktını gizlətməsi ifşa olunub
The Washington Post nəşrinin xəbərinə görə, İsrail onilliklər ərzində nüvə silahı proqramını ABŞ-dən gizlədib. Dimona şəhərində inşa olunan nüvə reaktoru beynəlxalq monitorinqdən yayındırılıb və yoxlamalar saxtalaşdırılıb.
Crossmedia.az xəbər verir ki, mənbəyə əsasən, 1969-cu ildə ABŞ Prezidenti Riçard Nikson ilə İsrailin Baş naziri Qolda Meir arasında əldə olunan gizli razılaşmaya görə, İsrail rəsmi şəkildə nüvə silahına malik olduğunu etiraf etməyəcək, Birləşmiş Ştatlar isə bu məsələ ilə bağlı İsrailə qarşı ictimai və diplomatik təzyiqləri dayandıracaq.
Hazırda İsrail İranın nüvə proqramını təhlükə kimi dəyərləndirir, Tehranın məqsədlərini gizlətməsini əsas gətirərək onun nüvə obyektlərinə zərbələr endirir. The Washington Post yazır ki, bu ikili yanaşma fonunda nüvə sahəsində aldatma taktikasının ilk müəllifi məhz İsrail olub və indi İran da eyni modeli tətbiq edir.
22:35 23.06.2025
Oxunuş sayı: 907
