Xarici xəbərlər
İran cavab verməyə hazırlaşır: 40 min ABŞ hərbçisi təhlükə altında
ABŞ administrasiyası son günlər həyata keçirilmiş hava zərbələrindən sonra İranın qarşılıqlı hərbi cavab vermə ehtimalını yüksək qiymətləndirir.
Crossmedia.az xəbər verir ki, bu barədə “Reuters” agentliyi adının açıqlanmasını istəməyən iki yüksək vəzifəli amerikalı məmura istinadla məlumat yayıb.
Mənbələrin sözlərinə görə, İranın mümkün hücumlarının əsas hədəfi Yaxın Şərqdə yerləşən ABŞ hərbi kontingenti ola bilər. Hazırda bölgədə təxminən 40 min ABŞ hərbçisi xidmət göstərir.
Eyni zamanda, Vaşinqton vəziyyətin diplomatik yollarla həllinə üstünlük verməyə çalışır və Tehranın cavab zərbəsindən imtina etməsi üçün səylərini davam etdirir.
Rəsmi Tehran isə hələlik məsələ ilə bağlı hər hansı mövqe açıqlamayıb. ABŞ-İran münasibətlərində gərginliyin pik həddə çatdığı indiki məqamda bu ehtimal bölgədə təhlükəsizliklə bağlı ciddi narahatlıqlar doğurur.
21:59 23.06.2025
Oxunuş sayı: 8089
