Qətərdə güclü partlayış səsləri eşidilib
Qətərdə vəziyyət sürətlə gərginləşir. Regionda yerləşən və ABŞ ordusunun əsas dayaqlarından sayılan Əl-Üdeyd Hava Bazasında təhlükəsizliklə bağlı ciddi narahatlıqlar yaranıb.
Crossmedia.az xəbər verir ki, ABŞ mediasına istinadən yayılan məlumata görə, BBC-nin hərbi müxbiri Frank Qardner Koalisiyanın Hava Əməliyyatları Mərkəzinə qarşı “etibarlı təhlükə” mövcud olduğunu bildirib.
Məhz bu səbəbdən ABŞ-nin Qətərdəki səfirliyi rəsmi bəyanatla çıxış edərək, vətəndaşlarını növbəti göstərişə qədər təhlükəsiz yerlərdə sığınmağa çağırıb. Qısa açıqlamada təfərrüatlar açıqlanmasa da, edilən xəbərdarlığın ehtiyat tədbiri olduğu qeyd olunub.
Oxşar xəbərdarlıq Böyük Britaniyanın xarici işlər naziri Devid Lammi tərəfindən də səsləndirilib. O, Qətərdə yaşayan vətəndaşlara ehtiyatlı davranmağı və mümkün təhlükələrə qarşı hazır olmağı tövsiyə edib.
Qətər hökuməti isə artan risk fonunda ölkənin hava məkanını müvəqqəti bağlayıb. Bu səbəbdən bir sıra beynəlxalq aviareyslər Dohanın – dünyanın əsas hava nəqliyyatı qovşaqlarından birinin – ətrafından keçməyə məcbur olub.
Eyni zamanda, “Əl-Cəzirə” telekanalı Doha üzərində işıq parıltıları və güclü partlayış səslərinin müşahidə edildiyini bildirib.
21:45 23.06.2025
Oxunuş sayı: 9931
