İran və Aİ ölkələri nüvə məsələsini müzakirə edəcək
Fransa, Almaniya və İngiltərənin xarici işlər nazirləri bu cümə Cenevrədə İranın xarici işlər naziri Abbas Əraqçı ilə görüş keçirəcəklər. Görüşdə əsas müzakirə mövzusunun İranın nüvə proqramı olacağı bildirilib.
Crossmedia.az bu barədə Reuters xəbər agentliyinə istinadən məlumat verir.
Diplomatik mənbələrin məlumatına əsasən, danışıqlar Vaşinqtonun razılığı və dəstəyi ilə həyata keçirilir. Bununla belə, İran tərəfi hələlik məsələyə rəsmi reaksiya verməyib.
Qeyd edək ki, İranın nüvə proqramı son aylar beynəlxalq gündəmdə qalmaqda davam edir və bu istiqamətdə diplomatik səylər daha da intensivləşib.
12:40 19.06.2025
Oxunuş sayı: 8679
