Xarici xəbərlər

İran neft tankerlərinə qarşı hücum üsullarını dəyişib

İran hərbçiləri Hörmüz boğazından keçən neft tankerlərinə qarşı yeni hücum taktikası tətbiq etməyə başlayıblar. Bu strategiyanın dünya bazarında xammal qiymətlərinin uzun müddət yüksək səviyyədə qalmasına hesablandığı bildirilir.

Crossmedia.az xəbər verir ki, “Reuters” agentliyi bu barədə Yaxın Şərq ölkəsinin hökumətindəki mənbələrə istinadən məlumat yayıb.

İranın yüksək vəzifəli rəsmiləri gəmilərə qarşı hücumların yeni mexanizmini tam açıqlamayıblar. Bununla belə, rəsmilərdən biri Tehranın Hörmüz boğazından keçən tankerlərə qarşı müxtəlif hücum üsullarından istifadə etməyə başladığını bildirib.

İran hakimiyyəti xarici gəmilərin ekipaj üzvlərini regionun əsas nəqliyyat dəhlizlərindən biri olan Hörmüz boğazında qüvvədə olan məhdudiyyətləri pozmaqda ittiham edir. İranlı rəsmilərdən birinin sözlərinə görə, yeni taktikanın tətbiqi boğazda gəmilərə hücumların sayının artmasına səbəb olub.

Mənbənin bildirdiyinə görə, İranın yeni strategiyası hücumların həm növünün, həm də sayının dəyişdirilməsini nəzərdə tutur. Əsas məqsəd isə ABŞ və müttəfiqlərinin strateji neft ehtiyatlarını bazara çıxarmaq və Rusiya ilə dizel yanacağı üzrə razılaşma vasitəsilə dünya bazarında xammal və neft məhsullarının qiymətlərini aşağı salmaq cəhdlərinə mane olmaqdır.

Mövzular:

İran Hörmüz boğazı neft tankerləri yeni hücum taktikası neft qiymətləri dünya enerji bazarı

🖨 Çap et

16:04 14.10.2026

Oxunuş sayı: 59