İranın BMT-dəki nümayəndəsi: “13 iyun hücumu insanlığa qarşı müharibədir”
İranın BMT-nin Cenevrə bölməsindəki səfiri iyunun 13-də İrana qarşı həyata keçirilən hücumla bağlı sərt açıqlama verib. Rəsmi nümayəndənin sözlərinə görə, bu hücum insan haqlarının ciddi şəkildə pozulması kimi qiymətləndirilməlidir.
Crossmedia.az xəbər verir ki, diplomatın bildirdiyinə görə, İsrail regionda terror və etibarsızlığın əsas mənbəyi olmaqla yanaşı, qeyri-qanuni təhlükəsizliyini təmin etmək üçün bütün bölgədə sabitliyi pozur. Onun sözlərinə görə, bu, yalnız bir ölkəyə qarşı deyil, bütün insanlığa qarşı müharibə aktıdır.
Səfir vurğulayıb ki, İran heç vaxt onun milli maraqlarını və suverenliyini pozan hərəkətlərə göz yummayıb və bundan sonra da cəzasızlıq prinsipinə yol verməyəcək. O, həmçinin qeyd edib ki, güclü və vahid İran öz ərazi bütövlüyünü qorumaq üçün hüquqi və qətiyyətli tədbirlər görmək hüququnu saxlayır.
03:00 19.06.2025
Oxunuş sayı: 10740
