Aİ insan hüquqlarına görə İsrailə viza məhdudiyyəti qoya bilər
Avropa Parlamenti qısamüddətli vizasız gediş-gəlişin dayandırılması mexanizmini insan hüquqlarının pozulması hallarını da əhatə edəcək şəkildə yenidən nəzərdən keçirib. Bu dəyişikliklərdən təsirlənəcək ilk ölkələrdən biri İsrail ola bilər.
Yeni qaydalar İsrail vətəndaşlarının Avropa İttifaqı və Şengen ölkələrinə vizasız səfərlərinə məhdudiyyətlərin tətbiqini asanlaşdırır.
Crossmedia.az xarici mediaya istinadən bildirir ki, Avropa Parlamenti mənbələri Euronews-a açıqlamasında, beynəlxalq insan hüquqları və humanitar hüququn pozulması, habelə BMT qərarlarına əməl edilməməsinin artıq vizasız rejimin dayandırılması üçün əsas səbəblərdən biri olduğunu bildiriblər. Mənbələrə görə, İsrailin Qəzzada insanlığa qarşı cinayətlərdə ittiham olunması bu riski artırır.
Avropa Komissiyası konkret ölkə üçün vizasız rejimi 1 il müddətinə dayandırmaq səlahiyyətinə malikdir. Qərar üzv dövlətlərin sadə səs çoxluğu ilə qəbul olunur. Dayandırmanın uzadılması isə daha mürəkkəb prosedurlar tələb edir.
Məlumata görə, İsrailə yanaşı Serbiyanın da eyni mexanizm çərçivəsində hədəf alınması ehtimal olunur. Parlament daxilində bəzi siyasi qruplar bu qərarın İsraili də əhatə edəcək şəkildə qəbul olunması üçün təzyiqlər göstərirlər.
Zəhra Ağayeva
14:16 18.06.2025
Oxunuş sayı: 9289
