DƏHŞƏT: Bu ölkədə dini‑etnik səbəbilə 100 nəfər həlak olub
Nigeriyanın Benue əyalətində baş verən etnik zəmində silahlı hücumlar nəticəsində azı 100 nəfər həyatını itirib.
Crossmedia.az xəbər verir ki, Beynəlxalq Amnistiya Təşkilatının yaydığı məlumata görə, hücumlar ötən cümə gecəsindən başlayaraq bir neçə kəndi əhatə edib. Hücumların miqyası və vəhşiliyi ölkə və beynəlxalq ictimaiyyətin ciddi narahatlığına səbəb olub.
Nigeriya Prezidenti Bola Tinubu hadisələri “qeyri-insani və tərəqqiyə zidd” adlandıraraq, vəziyyətlə yerində tanış olmaq üçün sabah Benue əyalətinə səfər edəcəyini açıqlayıb.
Milli Fövqəladə Halların İdarə Olunması Agentliyi bildirib ki, zorakılıq nəticəsində azı
3 000 nəfər öz evlərini tərk etməyə məcbur qalıb.
Rəsmilər hadisələrin dini və etnik gərginlik fonunda baş verdiyini qeyd edirlər.
07:59 18.06.2025
Oxunuş sayı: 4742
