İtaliyada İsrailin hərbi əməliyyatlarına qarşı etiraz aksiyaları keçirilib
İtaliyanın bir neçə şəhərində İsrailin Yaxın Şərqdə, xüsusilə də Qəzza zolağında həyata keçirdiyi hərbi əməliyyatlara etiraz olaraq kütləvi aksiyalar təşkil olunub.
Crossmedia.az xəbər verir ki, paytaxt Roma şəhərində yüzlərlə tələbə və Fələstin tərəfdarı Thorvaldsen meydanında toplaşaraq İsrailin Romadakı səfirliyinə doğru yürüş ediblər.
Etirazçılar “İsrail terrorunu dayandırın”, “Qəzzanı azad edin”, “Hamımız antisiyonistik, hamımız fələstinliyik” kimi şüarlar səsləndiriblər.
Aksiya iştirakçıları əllərində Fələstin bayraqları və 21 iyun tarixində keçiriləcək növbəti yürüşə çağırış edən pankartlarla səfirliyin qarşısına qədər irəliləyiblər. Aksiya yerli əhali tərəfindən də müsbət qarşılanıb.
Qeyd edək ki, etirazlara səbəb İsrailin son günlər ərzində həm İrana, həm də Fələstin ərazilərinə qarşı həyata keçirdiyi hərbi əməliyyatların fonunda bölgədə artan gərginlikdir.
Aybəniz Səfərova
06:23 18.06.2025
Oxunuş sayı: 900
