İranın yeraltı nüvə obyekti raket zərbələrindən zədələnib
İranın Nətənz şəhərində yerləşən nüvə obyektində son hücumlar nəticəsində zədələnmə izləri aşkarlanıb.
Crossmedia.az xəbər verir ki, Beynəlxalq Atom Enerjisi Agentliyinin (MAQATE) "X" sosial şəbəkəsində yaydığı məlumata görə, cümə günü həyata keçirilən hücumların ardından yüksək dəqiqlikli peyk görüntülərinin təhlili yeraltı zənginləşdirmə mərkəzlərinə birbaşa zərbələrin endirildiyinə dair əlavə sübutlar ortaya çıxarıb.
Bununla yanaşı, MAQATE-nin məlumatında qeyd olunur ki, İsfahan və Fordodakı əsas nüvə obyektlərində hər hansı dəyişiklik müşahidə edilməyib.
Hazırda Agentlik hadisə ilə bağlı vəziyyəti izləyir və hücumların İranın nüvə proqramına potensial təsirlərini qiymətləndirməkdə davam edir.
20:28 17.06.2025
Oxunuş sayı: 9577
