Von der Leyen: Gələn həftə Ukrayna ilə bağlı danışıqlarda həlledici mərhələ olacaq
Avropa Komissiyasının Prezidenti Ursula von der Leyen Ukrayna münaqişəsinin həlli ilə bağlı danışıqlarda gələn həftənin xüsusi əhəmiyyət daşıyacağını bildirib. O, prosesin irəliləməsi üçün indi hər zamankından daha çox səylərin artırılmasının vacib olduğunu vurğulayıb.
Crossmedia.az xarici mediaya istinadən bildirir ki, Ursula von der Leyen çıxışında danışıqların gedişatının yeni mərhələyə qədəm qoyduğunu qeyd edib: “İndi əlbəttə ki, vəziyyəti irəli aparmağımız vacibdir və düşünürəm ki, gələn həftə bu baxımdan həlledici olacaq”. Onun sözlərinə görə, beynəlxalq tərəfdaşlarla əməkdaşlıq çərçivəsində münaqişənin diplomatik yolla həlli üçün geniş imkanlar mövcuddur.
Qeyd edək ki, Ukraynada davam edən müharibənin dayandırılması və sülh prosesinin qurulması istiqamətində Avropa İttifaqı son aylar fəallığını artırıb. Brüssel münaqişənin dinc yolla tənzimlənməsi üçün tərəflər arasında dialoqun zəruri olduğunu və siyasi həll yollarının tapılmasının prioritet təşkil etdiyini bəyan edir.
Fatimə Nəbiyeva
12:05 19.05.2025
Oxunuş sayı: 642
