Tehran-Vaşinqton danışıqlarının yeni raundu yaxın vaxtlarda keçirilə bilər
İranın xarici işlər naziri Abbas Əraqçı ABŞ ilə dolayı danışıqların növbəti raundunun yaxın zamanda baş tutacağını bildirib. Bu barədə o, Tehran Dialoq Forumu çərçivəsində Oman xarici işlər naziri ilə keçirdiyi görüşdən sonra ISNA agentliyinə açıqlama verib.
Crossmedia.az açıqlamaya istinadən xəbər verir ki, nazirin sözlərinə görə, “Bu görüşdə ikitərəfli məsələlər, regional vəziyyət və İran-ABŞ arasında dolayı danışıqlar müzakirə olundu. Danışıqların növbəti mərhələsinin vaxtı demək olar ki, müəyyənləşib, lakin hələ yekun qərar verilməyib. Çox güman ki, tezliklə elan olunacaq”, – deyə Əraqçı qeyd edib.
Nazir əlavə edib ki, danışıqların keçiriləcəyi yer barədə məlumatı Oman XİN rəhbəri açıqlayacaq. O, həmçinin Oman vasitəsilə ABŞ-dən yazılı mesaj almadığını bir daha vurğulayıb.
Mədinə Cəlilova
20:45 18.05.2025
Oxunuş sayı: 8433
