Hindistan və Pakistan arasında atəşkəs rejimi müddətsiz olaraq qüvvədə qalır
Hindistan və Pakistan arasında razılaşdırılmış atəşkəs rejimi qüvvədə qalmaqda davam edir və bu rejim üçün hər hansı bir vaxt məhdudiyyəti müəyyən edilməyib.
Crossmedia.az xəbər verir ki, bu barədə Hindistan ordusu “PTI” agentliyinə açıqlama verib.
Ordudan bildirilib ki, atəşkəs, hərbi əməliyyatlara rəhbərlik edən komandanlar arasında aparılan danışıqlar nəticəsində əldə olunub və onun başa çatması üçün konkret tarix nəzərdə tutulmayıb.
Bu açıqlama bəzi media orqanlarında 18 may tarixində atəşkəsin başa çatacağı və yeni danışıqların keçiriləcəyi barədə yayılan məlumatlara cavab olaraq verilib.
Hindistan ordusu əlavə edib ki, bazar günü Hindistan və Pakistan hərbi komandanları arasında hər hansı bir rəsmi təmas planlaşdırılmayıb.
Mədinə Cəlilova
19:50 18.05.2025
Oxunuş sayı: 411
