Xarici xəbərlər
Nyu-Yorkda yelkənli gəmi körpüyə çırpıldı: 2 ölü, 19 yaralı
Nyu-York şəhərinin meri Erik Adamsın verdiyi məlumata görə, Meksikaya məxsus “Kuaute mok” adlı təlim gəmisi Bruklin körpüsünə çırpılıb. Belə ki, hadisə nəticəsində 2 nəfər ölüb, 19 nəfər xəsarət alıb. Yaralılardan ikisinin vəziyyəti kritik olaraq qiymətləndirilir.
Crossmedia.az xəbər verir ki, bu barədə xarici KİV məlumat yayıb.
Gəminin bortunda 277 nəfər olub, onların əksəriyyəti Meksika Hərbi Dəniz Qüvvələrinin kursantlarıdır. Yerli mediaya əsasən, toqquşmadan sonra heyət üzvlərindən bəziləri suya düşüb.
Qeyd edək ki, qəzanın texniki nasazlıq və ya idarəetmə xətası səbəbindən baş verdiyi ehtimal olunur.
Fatimə Məmmədova
17:47 18.05.2025
Oxunuş sayı: 7459
