Rusiya Ukraynaya 273 pilotsuz təyyarə ilə hücum edib
Rusiya ordusu ötən gecə Ukraynanın müxtəlif bölgələrinə 273 ədəd pilotsuz uçuş aparatı (PUA) ilə hücum təşkil edib.
Crossmedia.az xəbər verir ki, bu barədə Ukrayna Silahlı Qüvvələrinin Hərbi Hava Qüvvələri Telegram hesabında məlumat yayıb.
Bildirilib ki, hücum simulyator və hücum tipli PUA-larla həyata keçirilib.
Ukrayna Hərbi Hava Qüvvələri tərəfindən 88 PUA məhv edilib, daha 128-i isə istiqaməti dəyişdirilərək zərərsizləşdirilib.
Hədəfə alınan bölgələr arasında Kiyev, Donetsk və Dnepropetrovsk da var.
Ukrayna Fövqəladə Hallar Xidmətinin yaydığı açıqlamada isə qeyd olunub ki, Rusiyaya məxsus PUA-lardan biri Kiyev vilayətinin Obuxiv rayonunda bir yaşayış evinə zərbə endirib. Nəticədə 1 nəfər ölüb, 3 nəfər yaralanıb.
16:12 18.05.2025
Oxunuş sayı: 9759
