Tramp: “İran bölgədə proksi müharibələri dəstəkləməyi dayandırmalıdır”
ABŞ prezidenti Donald Tramp Səudiyyə Ərəbistanına səfərinin ikinci günündə keçirilən Körfəz Əməkdaşlıq Şurasının sammitində İranı sərt tənqid edib.
Bu barədə Crossmedia.az “Iran International”a istinadən xəbər verir.
Sammitdə çıxış edən Tramp bildirib ki, Tehran bölgədə proksi qüvvələrə dəstəyi dayandırmalıdır. Onun sözlərinə görə, İranın proksi vasitəsilə apardığı münaqişələr regionda sabitliyə təhlükə yaradır.
ABŞ prezidenti həmçinin Tehran-Vaşinqton münasibətlərinə və nüvə danışıqlarına toxunub:
“İranın ali rəhbəri zeytun budağından – yəni nüvə razılaşmasından – imtina edərsə, biz də onlara qarşı təzyiq göstərmək məcburiyyətində qalacağıq. İranın nüvə silahı əldə etməsinin qarşısını almaq üçün bütün mümkün addımları atacağam”.
19:24 14.05.2025
Oxunuş sayı: 8183
