Avropa liderlərinin gündəmi dəyişdi: Zelenski sammitdə kölgədə qaldı
Avropa İttifaqının (Aİ) Brüsseldə keçirilən sammitində büdcə ilə bağlı fikir ayrılıqları və enerji qiymətlərinin artması Ukrayna məsələsini ikinci plana keçirə bilər.
Crossmedia.az xəbər verir ki, bu barədə “Politico” nəşri Avropa diplomatik mənbələrinə istinadən məlumat yayıb.
Bildirilib ki, Ukrayna Prezidenti Volodimir Zelenski Avropa liderlərinin diqqətini ölkəsindəki müharibəyə yönəltməyə çalışsa da, enerji böhranı və Aİ-nin uzunmüddətli büdcəsi ilə bağlı mübahisələr sammitin əsas müzakirə mövzularına çevrilib.
Nəşrin məlumatına görə, bəzi Avropa liderləri Zelenskinin ABŞ Prezidenti Donald Trampla münasibətləri idarə etmə tərzindən narazıdırlar.
Avropalı diplomatlardan biri bildirib ki, Zelenskinin Trampı açıq şəkildə tənqid etməsi bir sıra Avropa liderləri tərəfindən faydasız addım kimi qiymətləndirilir.
Qeyd edək ki, sammitdə enerji qiymətlərinin yüksəlməsi, büdcə məsələləri və Ukraynaya dəstəyin davam etdirilməsi əsas müzakirə mövzuları sırasındadır.
11:44 16.10.2026
Oxunuş sayı: 132
