Türkiyə Trampın sülh danışıqlarına qatılmasını gözləmir, lakin İstanbul səfəri istisna edilmir
Türkiyə rəsmiləri ABŞ Prezidenti Donald Trampın 15 may tarixində Ukrayna böhranının sülh yolu ilə həlli üzrə danışıqlarda iştirak etmək üçün ölkəyə səfər edəcəyini gözləmirlər. Bununla belə, Ankarada Trampın yaxın günlərdə, xüsusilə Rusiya Prezidenti Vladimir Putinin iştirakı təsdiqlənərsə, İstanbulda keçiriləcək görüşlərə qatılma ehtimalı istisna edilmir.
Crossmedia.az xəbər verir ki, bu barədə xarici media yazıb.
Tramp daha əvvəl Türkiyəyə səfər etmə ehtimalını nəzərdən keçirdiyini bildirib, lakin Yaxın Şərq turunun sıx qrafiki səbəbindən bu səfərin hələlik planlaşdırılmadığını qeyd etmişdi. Hazırda ABŞ dövlət katibi Marko Rubio Trampın adından danışıqlarda iştirak etmək üçün Türkiyəyə göndərilib.
Ukrayna Prezidenti Volodimir Zelenski Trampı sülh danışıqlarına qatılmağa çağıraraq, bu addımın Rusiya Prezidenti Vladimir Putinə təzyiq göstərə biləcəyini vurğulayıb.
Bildirək ki, danışıqların nəticəsi və Trampın mümkün səfəri ilə bağlı vəziyyət hələlik qeyri-müəyyən olaraq qalır.
Fatimə Məmmədova
18:45 14.05.2025
Oxunuş sayı: 9331
