Ermənistan parlamentində dava düşdü
Ermənistan Milli Məclisində gərginlik yaşanıb. Yerli KİV-lərin yaydığı məlumata görə, parlamentin vitse-spikeri Akop Arşakyan ilə “Hayastan” fraksiyasının deputatı, ölkənin ikinci prezidenti Robert Koçaryanın oğlu Levon Koçaryan arasında mübahisə və daha sonra fiziki qarşıdurma baş verib.
Crossmedia.az xəbər verir ki , insident vitse-spikerin çıxışı zamanı baş verib. Levon Koçaryan oturduğu yerdən hökuməti sərt şəkildə tənqid etməyə başlayıb. Buna cavab olaraq Akop Arşakyan tribunadan ona səslənərək susmağı tələb edib.
“Levon Koçaryan, yerini bil. Ay oğlan, sən kimsən? Həddini bil”, – deyə vitse-spiker qışqıraraq deputatı zalın çölünə atmaqla hədələyib.
Bu sözlərdən sonra tərəflər arasında gərgin söz atışması başlayıb və nəticədə əlbəyaxa dava baş verib.
Hadisə sosial şəbəkələrdə və mediada geniş müzakirələrə səbəb olub. Sosial şəbəkə istifadəçiləri hadisəni “Parlamentə gedən, daha sirkə getməz” kimi ironik şərhlərlə ifadə ediblər.
Fidan Xəlilova
17:08 14.05.2025
Oxunuş sayı: 938
