NATO-nun genişmiqyaslı hərbi təlimləri Rusiyanın sərt reaksiyasına səbəb olub
Son bir həftə ərzində NATO ölkələri iki böyük və eyni vaxtda keçirilən hərbi-dəniz təlimlər həyata keçirib. Bu təlimlər son illərin ən iri NATO qüvvələrinin yerləşdirilməsi kimi qiymətləndirilir. Təlimlərin məqsədi ittifaq qüvvələrinin koordinasiyasını və döyüş hazırlığını artırmaq olub.
Crossmedia.az xarici mediaya istinadən bildirir ki, təlimlər Aralıq və Norveç dənizlərində aparılıb. Ümumilikdə 35 hərbi gəmi, 3 sualtı qayıq, onlarla hərbi təyyarə və minlərlə hərbçi iştirak edib. Hərbi təlimlər NATO-nun dənizdəki müdafiə qabiliyyətini sınaqdan keçirməyə yönəlib.
Rusiya bu genişmiqyaslı fəaliyyətlərə dərhal münasibət bildirib. Moskva bəyan edib ki, “Thunder Fortress 2025” adlı beynəlxalq təlimlər Rusiyaya qarşı yönəlib və bunun təsadüfi olmadığını düşünür. Kreml təlimlərin regiondakı sabitliyə təhlükə yaratdığını vurğulayıb.
Rusiya rəsmiləri əlavə edib ki, NATO-nun bu addımları nəticəsiz qalacaq. Moskva qarşı tərəfin bütün səylərini neytrallaşdıracaq addımlar atacağını açıqlayıb. Rusiya Silahlı Qüvvələri isə ölkənin təhlükəsizliyini təmin etmək üçün hər zaman hazır vəziyyətdə olduğunu bəyan edib.
Fatimə Nəbiyeva
16:45 14.05.2025
Oxunuş sayı: 614
