Hindistan və Pakistan sərhəddə həbsdə olan şəxsləri qarşılıqlı olaraq dəyişdirib
Bu gün Hindistan və Pakistan Vaqah-Atari sərhəd keçid məntəqəsində bir-birlərinə məxsus olan bir nəfər məhbusu qarşılıqlı şəkildə təhvil veriblər.
Crossmedia.az xəbər verir ki, bu barədə Samaa.tv təhlükəsizlik orqanlarındakı mənbələrə istinadən məlumat yayıb.
Məlumata görə, dəyişdirmə ciddi təhlükəsizlik tədbirləri altında həyata keçirilib. Hər iki ölkə həbsdə olan rəsmi şəxsləri bir-birinə təhvil verib.
Pakistan tərəfi Hindistanın Sərhəd Təhlükəsizlik Qüvvələrinin konstebli Purnam Kumar Şahı azad edərək Hindistan hakimiyyətinə təhvil verib. Eyni zamanda Hindistan da Pakistanın “Pəncab Reyncerləri”nə məxsus zabit Məhəmməd Allahı geri qaytarıb.
Bildirək ki, hər iki şəxsin bir-birinin ölkəsinə hansı şəraitdə keçdiyi hələ də tam aydın deyil. Lakin rəsmi şəxslər onların repatriasiyası ilə bağlı qərarın diplomatik kanallar vasitəsilə razılaşdırıldığını təsdiqləyiblər.
Fatimə Məmmədova
16:08 14.05.2025
Oxunuş sayı: 8841
