Papa XIV Leo-dan dünya liderlərinə mesaj: Bir daha heç vaxt döyüşməyin!
Katolik dünyasının yeni lideri Papa XIV Leo ilk çıxışında Ukrayna və Qəzza zolağında dərhal atəşkəsə və davamlı sülhə çağırıb.
Crossmedia.az xarici KİV-ə istinadən xəbər verir ki, Müqəddəs Pyotr meydanında minlərlə insan qarşısında çıxış edən Papa, “Üçüncü dünya müharibəsinin hissə-hissə cərəyan etdiyi dramatik şəraitdə dünyanın güclülərinə səslənirəm: bir daha heç vaxt döyüşməyin”, - deyə bildirib.
O, Ukrayna xalqının əzabını ürəyində daşıdığını vurğulayaraq, ədalətli və davamlı sülhə nail olmaq üçün beynəlxalq ictimaiyyəti fəal addımlar atmağa çağırıb.
Qəzza zolağındakı humanitar böhrana toxunan Papa, döyüşlərin dərhal dayandırılmalı olduğunu, mülki əhaliyə təcili yardımın çatdırılmasını və bütün məhbusların azad edilməsinin vacibliyini qeyd edib.
Qeyd edək ki, mayın 8-də keçirilən konklavın dördüncü turunda 69 yaşlı amerikalı kardinal Robert Frensis Prevost Roma Papası seçilərək XIV Leo adını qəbul edib.
Aybəniz Səfərova
19:55 11.05.2025
Oxunuş sayı: 1202
