ABŞ NATO-nun gücləndirilməsi istiqamətində fəaliyyətini Antalyada davam etdirəcək
ABŞ dövlət katibi Marko Rubio Türkiyənin Antalya şəhərində keçiriləcək NATO Xarici İşlər Nazirlərinin qeyri-rəsmi toplantısında iştirak edəcək.
Crossmedia.az xəbər verir ki, bu barədə ABŞ Dövlət Departamenti rəsmi açıqlama yayıb.
Açıqlamada bildirilib ki, Rubio mayın 11-14-də ABŞ Prezidenti Donald Trampı Səudiyyə Ərəbistanı və Qətərə səfərləri zamanı müşayiət edəcək.
Səfər çərçivəsində prezidentin ABŞ ilə Körfəz ölkələri arasında əlaqələrin gücləndirilməsinə çalışacağı qeyd olunub.
Rubio burada yüksək səviyyəli rəsmilərlə görüşlər keçirəcək, qlobal və regional məsələlərin həll yolları müzakirə olunacaq, ikitərəfli ticarət və investisiya imkanları genişləndiriləcək, strateji tərəfdaşlıqların yenidən təsdiqlənməsi nəzərdə tutulur.
Daha sonra isə Rubio NATO Xarici İşlər Nazirlərinin qeyri-rəsmi toplantısında iştirak etmək üçün Antalyaya yollanacaq.
Görüşdə müttəfiqlərin müdafiə xərclərinin artırılması, Rusiya-Ukrayna müharibəsinin başa çatdırılması və NATO-nun Rubio əlavə edib ki, iyun ayında Haaqa sammitinə doğru irəlilədikcə, ABŞ NATO-nun daha güclü və təsirli təşkilata çevrilməsi üçün üzərinə düşən məsuliyyəti yerinə yetirəcək.
19:39 11.05.2025
Oxunuş sayı: 8586
