Zelenski: “Rusiyanın atəşkəsi təsdiqləyəcəyinə ümid edirik”
Ukrayna Prezidenti Volodimir Zelenski Rusiyanın 12 may tarixindən etibarən tam, davamlı və etibarlı atəşkəsə razılıq verəcəyinə ümid etdiyini bildirib. O, bu qərarı müsbət addım kimi qiymətləndirərək, bunun müharibənin sona çatması istiqamətində ilk əlamət olduğunu qeyd edib.
Crossmedia.az xarici mediaya istinadən bildirir ki, Zelenski açıqlamasında “rusların nəhayət müharibəni bitirmək barədə düşünməyə başlaması”nı “yaxşı əlamət” adlandırıb. Prezident əlavə edib ki, istənilən münaqişənin real şəkildə bitməsi üçün atılmalı ilk addım atəşkəsin əldə olunmasıdır.
“Ümid edirik ki, Rusiya sabahdan – 12 may tarixindən etibarən tam, uzunmüddətli və etibarlı atəşkəsi təsdiqləyəcək. Ukrayna da bu istiqamətdə danışıqlar aparmağa hazırdır,” – deyə Zelenski vurğulayıb.
Fatimə Nəbiyeva
14:41 11.05.2025
Oxunuş sayı: 9910
