Tramp Fələstini tanıya bilərmi?
Ağ Ev ilə İsrail Baş naziri Benyamin Netanyahu hökuməti arasında gərginliyin artdığı bir dönəmdə, İsrail mətbuatında yer alan bir xəbərdə ABŞ sabiq Prezidenti Donald Trampın Orta Şərq səfəri zamanı Fələstin dövlətini tanıya biləcəyi iddia edilib.
Crossmedia.az xəbər verir ki, “The Jerusalem Post” qəzetinin ABŞ-də nəşr olunan “The Media Line”a istinadən verdiyi məlumata görə, adı açıqlanmayan bir Körfəz ölkəsinin diplomatı Trampın Orta Şərq səfəri çərçivəsində ABŞ-nin Fələstin dövlətini tanıdığına dair rəsmi bəyanat yayacağını iddia edib. Trampın, Həmasın iştirakı olmadan Fələstin dövlətinin qurulmasını dəstəkləyəcəyi də bildirilir. Qeyd edək ki, Tramp son günlərdə “çox sarsıdıcı bir açıqlama” verəcəyini açıqlamışdı.
Eyni diplomatik mənbə, ABŞ-nin Fələstin dövlətini tanıması halında bunun Orta Şərqdəki güc balansını dəyişdirəcəyini və daha çox ərəb ölkəsinin İbrahim Sazişlərinə qoşulacağını irəli sürüb.
Digər tərəfdən, Qətərin “Əl-Arabi Əl-Cədid” qəzetinin xəbərinə görə, ABŞ İsrailin Həmasın silahsızlaşdırılması tələbinə dair mövqeyini dəyişib. Xəbərdə ABŞ-nin İsrailin Həmasın hərbi qanadındakı bütün üzvlərin Qəzza zolağından çıxarılması tələbini real hesab etmədiyi bildirilib. Səbəb olaraq isə Həmasın əlində çox sayda döyüşçünün olması və digər ölkələrin bu şəxsləri qəbul etmək istəməməsi göstərilib.
Mədinə Cəlilova
11:15 11.05.2025
Oxunuş sayı: 10278
