Fridrix Merz: "Trampın seçki tələbi qəbuledilməzdir, Putin əleyhinə tribunal ideyasını dəstəkləyirəm"
Almaniyanın kansleri Fridrix Merz Kiyevə səfəri zamanı ABŞ-ın keçmiş prezidenti Donald Trampın Ukraynada seçki keçirilməsi ilə bağlı fikirlərinə etiraz edib və Rusiyanın hərbi cinayətlərinə görə beynəlxalq tribunalın zəruriliyini vurğulayıb.
Crossmedia.az xarici mediaya istinadla xəbər verir ki, “Ukrayna Konstitusiyası müharibə zamanı seçkilərin keçirilməsini qeyri-mümkün hesab edir. Düşünürəm ki, biz hamımız buna hörmət etməliyik. Prezident Zelenski legitim şəkildə seçilmiş dövlət başçısıdır və bizim danışıqlarda tərəfdaşımız olaraq qalır”, – deyə Merz bildirib.
O, həmçinin qeyd edib ki, Rusiyanın mövcud rəhbərliyi ən ağır hərbi cinayətlərə imza atır: “Bu, sözsüzdür. Putinin rəhbərliyi altında Rusiya ən ağır hərbi cinayətləri törədir. Və təbii ki, onlar cəzalandırılmalıdır”.
Merzin bu çıxışı Qərb dünyasında Ukraynaya dəstəyin davam edəcəyini və Kremlin beynəlxalq hüquq qarşısında cavab verəcəyinə dair çağırışların gücləndiyini göstərir.
Həmayıl Şükürlü
23:36 10.05.2025
Oxunuş sayı: 488
