İran və Səudiyyə Ərəbistanı XİN rəhbərləri Ciddədə görüşüblər
Ciddə şəhərində İranın xarici işlər naziri Abbas Əraqçı ilə Səudiyyə Ərəbistanının xarici işlər naziri Feysəl bin Fərhan arasında görüş keçirilib.
Crossmedia.az xarici KİV-ə istinadən xəbər verir ki, görüş bir günlük səfər çərçivəsində baş tutub.
Tərəflər ikitərəfli münasibətlərin mövcud vəziyyətini və gələcək inkişaf perspektivlərini müzakirə edib, əməkdaşlığın bütün sahələrdə genişləndirilməsinin vacibliyini vurğulayıblar.
Əraqçı ərəb dünyasının Qəzza zolağında baş verən hadisələrə qarşı birgə və effektiv mövqe nümayiş etdirməsinin vacibliyini qeyd edib.
O, həmçinin Səudiyyə tərəfini Vaşinqton və Tehran arasında aparılan dolayı danışıqların son vəziyyəti barədə məlumatlandırıb.
Aybəniz Səfərova
21:25 10.05.2025
Oxunuş sayı: 7573
