Pakistan Müdafiə naziri: “Nüvə variantı gündəmdə deyil”
Pakistanın Müdafiə naziri Xavaca Məhəmməd Asif bildirib ki, hazırda nüvə silahından istifadə məsələsi gündəmdə deyil.
Crossmedia.az xarici mediaya istinadən bildirir ki, nazir açıqlamasında nüvə variantının yalnız regionla məhdudlaşmayacağını, bunun daha geniş miqyaslı dağıntılara yol aça biləcəyini deyib. O qeyd edib ki, Hindistanın yaratdığı vəziyyətə görə Pakistanın hərbi imkanları azalır.
Nazir həmçinin bildirib ki, indiyədək Milli Komandanlıq Şurasının iclası çağırılmayıb. Bu orqan ölkənin nüvə arsenalı ilə bağlı operativ qərarların qəbuluna cavabdehdir.
Xavaca Məhəmməd Asifin bu açıqlamaları bölgədəki gərginliyin artdığı bir vaxta təsadüf edir. Onun sözlərinə görə, Pakistan məsuliyyətli davranmağa üstünlük verir və münaqişənin daha da dərinləşməsini istəmir.
Fatimə Nəbiyeva
18:51 10.05.2025
Oxunuş sayı: 5598
