Xarici xəbərlər
Macarıstan və Ukrayna arasında diplomatik qalmaqal: Qarşılıqlı casusluq ittihamları
Macarıstan Ukraynanın Budapeştdəki səfirliyində diplomatik status altında fəaliyyət göstərən iki şəxsi casusluqda ittiham edərək ölkədən çıxarıb. Rəsmi Budapeşt bu şəxslərin Macarıstan ərazisində casusluq fəaliyyəti ilə məşğul olduqlarını bildirib.
Buna cavab olaraq, Ukrayna Xarici İşlər Nazirliyi Macarıstanın səfirini nazirliyə dəvət edərək etiraz notası təqdim edib və cavab tədbiri kimi iki macar diplomatın 48 saat ərzində ölkəni tərk etməli olduğunu açıqlayıb.
Rəsmi Kiyev bu addımı "diplomatik qarşılıqlılıq prinsipi" çərçivəsində atdığını bəyanedib.
22:53 09.05.2025
Oxunuş sayı: 10078
