Argentina prokuroru: AMIA partlayışına görə Xameneiyə qarşı beynəlxalq həbs qərarı tələb olunur
Argentina Federativ Məhkəməsinin baş prokuroru Sebastian Basso, 1994-cü ildə Buenos-Ayresdəki Yəhudi Mərkəzində (AMIA) baş vermiş partlayışla bağlı İranın ali rəhbəri Əli Xameneiyə qarşı beynəlxalq axtarış və həbs qərarı çıxarılmasını tələb edib.
Crossmedia.az xarici KİV-ə istinadən xəbər verir ki, Prokuror Xameneini sözügedən terror aktına göstəriş verməkdə ittiham edib:
“Xamenei, Hizbullaha bağlı və Livandan kənarda gizli fəaliyyət göstərən silahlı təşkilatı dəstəkləyib. Təşkilat uzun illər ərzində müxtəlif hücumlar həyata keçirib, AMIA isə onlardan biri olub,” — deyə Basso bildirib.
Qeyd edək ki, 1994-cü ilin iyulunda baş verən partlayış nəticəsində 85 nəfər həlak olmuş, 300-dən çox insan yaralanmışdı. Bu hadisə ölkə tarixində ən qanlı terror aktı hesab olunur.
Sözügedən hadisə ilə bağlı İran və Argentina arasında diplomatik münasibətlər son 31 ildə yalnız nümayəndə səviyyəsində davam edir və heç vaxt səfirlik səviyyəsinə yüksəlməyib.
Mədinə Cəlilova
21:27 10.04.2025
Oxunuş sayı: 1948
