Türkiyə Liviyanı birləşdirir
Liviyanın Milli Ordusunun quru qoşunları komandanı Səddam Haftarın (Xəlifə Haftarın oğlu) Ankaraya səfəri zamanı Türkiyə ilə Liviyadakı Milli Ordu arasında müdafiə sahəsində əməkdaşlıq sazişi imzalanıb.
Crossmedia.az xarici mediaya istinadən bildirir ki, saziş silah və pilotsuz uçuş aparatlarının tədarükü, hərbi hazırlıq proqramları və hərbi infrastrukturun inkişafı kimi strateji sahələri əhatə edir. Razılaşmaya əsasən, Türkiyə Hərbi Dəniz Qüvvələri Liviyanın şərq sahillərində birgə təlimlər keçirəcək.
Sazişin rəsmi təsdiqi üçün Bengazidə (Haftarın əsas dayağı) Türkiyə Quru Qoşunları komandanının iştirakı ilə imzalanma mərasimi keçiriləcək.
Qeyd edək ki, bundan əvvəl “Turkish Airlines” 10 illik fasilədən sonra Bengaziyə uçuşlarını bərpa edib.ğ
Bütün bu hadisələr Türkiyənin Liviyada hərbi strukturların yenidən qurulmasında fəal rol oynayacağını və ölkənin şərq-qərb bölgələri arasında inteqrasiyaya töhfə verəcəyini göstərir.
Fatimə Nəbiyeva
15:50 10.04.2025
Oxunuş sayı: 7278
