ABŞ-Avropa İttifaqı münasibətlərində soyuqluq - Diplomatlar görüşə bilmir
ABŞ administrasiyası Avropa İttifaqını (Aİ) siyasi institut kimi yüksək qiymətləndirmir.
Crossmedia.az xarici mətbuata istinadən xəbər verir ki, Aİ-nin Xarici işlər və təhlükəsizlik siyasəti üzrə ali nümayəndəsi Kaya Kallas bu barədə açıqlama verib. O, ABŞ dövlət katibi Marko Rubio ilə hələ də rəsmi ikitərəfli görüşün baş tutmamasına münasibət bildirib:
“Biz görüşmüşük və telefonla çox danışmışıq. Aİ səviyyəsində baxsaq, hətta Aİ ölkələrinin liderlərinin də hələ yüksək səviyyəli görüşləri olmayıb. Ola bilsin, bu, Amerikanın Aİ-ni siyasi institut kimi kifayət qədər yüksək qiymətləndirməməsi ilə bağlıdır”, – deyə Kallas bildirib.
Bununla belə, Avropa diplomatiyasının rəhbəri konkret ikitərəfli görüşlərə böyük əhəmiyyət vermədiyini qeyd edib. Bu ilin əvvəlindən bəri Kallas iki dəfə Vaşinqtona səfər etsə də, hər iki dəfə Rubio onu qəbul etməkdən imtina edib və bunu “qrafiklərin üst-üstə düşməməsi” ilə əsaslandırıb.
Ləman Həsənova
12:15 10.04.2025
Oxunuş sayı: 6819
