Xarici xəbərlər
Türkiyə “C-390 Millennium” təyyarələrinin alınması üçün Braziliya ilə danışıqlar aparır
Braziliyanın müdafiə naziri Xose Musio, “Embraer” şirkəti tərəfindən istehsal olunan “C-390 Millennium” hərbi nəqliyyat təyyarələrinin satışı ilə bağlı Türkiyə, Polşa və Finlandiya ilə danışıqların davam etdiyini bildirib.
Crossmedia.az xarici mediaya istinadən xəbər verir ki ,Nazir qeyd edib ki, bu ölkələrlə aparılan müzakirələr təyyarənin ixrac potensialını artırmaq məqsədi daşıyır. Qeyd edək ki, “C-390 Millennium” orta ağır sinifə aid olan çoxməqsədli hərbi nəqliyyat təyyarəsidir və hazırda Braziliya ilə yanaşı, Portuqaliya, Macarıstan və Hollandiya da bu təyyarələri sifariş verən ölkələr sırasındadır.
Mütəxəssislər hesab edirlər ki, Türkiyənin bu modelə maraq göstərməsi, onun müdafiə və logistik imkanlarını gücləndirmək istiqamətində atdığı addımlardan biridir.
Xumar Emilqızı
20:11 09.04.2025
Oxunuş sayı: 8070
