Belarusda türkmənlərin ölkədə qalması araşdırılır
Belarusda yüzlərlə Türkmənistan vətəndaşının ölkədə qalmasının qanuniliyi yeni cinayət işi çərçivəsində araşdırılır.
Crossmedia.az bildirir ki,Belarusun İstintaq Komitəsinin məlumatına görə, 2022-ci ildən bəri Minskdəki taksi parklarının sahibləri üç miqrantın iştirakı ilə türkmənistanlılara və digər xarici vətəndaşlara saxta dəvətlər və əmək müqavilələri satıblar. Bu sənədlər əsasında əcnəbilər vizalar, yaşayış icazələri və digər hüquqi sənədlər əldə ediblər.İstintaqın məlumatına görə, qeyri-qanuni miqrasiya sxemini üç Minskli sahibkar təşkil edib. Xarici vətəndaşlar aldıqları saxta sənədlər vasitəsilə ölkəyə viza alıb, əmək müqavilələri ilə isə müvəqqəti yaşama və ya yaşayış icazəsi əldə ediblər. Əslində isə onlar bu şirkətlərdə heç vaxt işləməyiblər, əksinə, hər ay saxta məşğulluğun “uzadılması” üçün işəgötürənlərə pul ödəyiblər.
Sahibkarlara müştəri axtaranlar isə özləri də oxşar yollarla ölkəyə daxil olmuş vasitəçilər olub. Onlar müxtəlif söhbət qruplarında Belarusda problemsiz şəkildə yerləşmək imkanından bəhs edən məlumatlar yayıblar.
Sənədlərin alınması üçün ilkin ödəniş 150 ABŞ dolları (təxminən 3000 manat) təşkil edib. “AvtoGroddno” nəşri bir türkmənin türkmən dilində dindirmə videosunu yayıb. Videoda şəxs saxta əmək müqaviləsinə görə 100 dollar ödədiyini bildirir.Cinayət sxemində iştirak edən bütün şəxslər saxlanılıb. Onlara qarşı Belarus Cinayət Məcəlləsinin 371-1-ci maddəsinin 2-ci bəndi (“Təkrarən həyata keçirilmiş qanunsuz miqrasiyanın təşkili”) ilə cinayət işi açılıb. Bu maddə üzrə 7 ilədək azadlıqdan məhrumetmə cəzası nəzərdə tutulur.Şübhəlilər istintaqla əməkdaşlıq edir. Onların ifadələri əsasında hüquq-mühafizə orqanları bu sxemdən istifadə edən əcnəbilərin sənədlərini yoxlayır.
Qeyd edək ki,bu siyahıya əsasən bir neçə yüz nəfər, əsasən Türkmənistan vətəndaşları daxildir. Belarusun miqrasiya qanunvericiliyinin pozulması cərimə və deportasiya ilə cəzalandırılır. Əgər türkmənistanlılar bilərəkdən saxta sənədlərdən istifadə etməkdə təqsirli bilinərlərsə, onlara qarşı da cinayət işi açıla bilər.
Fidan Xəlilova
20:00 09.04.2025
Oxunuş sayı: 6191
