Ukrayna ABŞ-lə faydalı qazıntılar üzrə sazişə dair mövqeyini formalaşdırıb
Ukrayna ABŞ ilə faydalı qazıntılar sahəsində planlaşdırılan sazişə dair öz mövqeyini və sənədin mətninə baxışını artıq formalaşdırıb.
Crossmedia.az xəbər verir ki, bu barədə ölkənin xarici işlər naziri Andrey Sbiqa məlumat verib.
“Ukrayna yaxın zamanda Vaşinqtona səfər edəcək danışıqlar qrupu ilə bağlı yekun qərar verəcək. Bu nümayəndə heyəti amerikalı tərəfdaşların təqdim etdiyi saziş mətnini ətraflı müzakirə edəcək. Biz artıq öz mövqeyimizi və gələcək sənədin mətninə dair baxışımızı müəyyənləşdirmişik”, – deyə nazir bildirib.
O, əlavə edib ki, bu saziş hər iki tərəfin maraqlarına cavab verməli, qarşılıqlı faydalı olmalı və Ukraynanın Avropa İttifaqına inteqrasiya kursuna zidd olmamalıdır.
Xumar Emilqızı
16:38 09.04.2025
Oxunuş sayı: 1393
