Türkiyə Ukrayna münaqişəsinin həlli üçün vasitəçilik etməyə hazırdır
Türkiyə Ukrayna ilə bağlı münaqişənin həllinə dair danışıqları qəbul etməyə və “vasitəçilik məsuliyyətini” üzərinə götürməyə hazırdır.
Crossmedia.az xəbər verir ki, bu barədə Türkiyə Prezident Administrasiyasının Kommunikasiya İdarəsinin rəhbəri Fahrettin Altun “Türkiyə-Almaniya” media forumunda çıxışı zamanı bildirib.
Altunun sözlərinə görə, Türkiyə ədalətli həll yollarının axtarışı çərçivəsində hər iki tərəflə danışıqlar aparan bir ölkədir:
“Biz münaqişənin həllinə yönəlmiş bütün təşəbbüsləri dəstəkləyirik. Prezident Rəcəb Tayyib Ərdoğanın dəfələrlə qeyd etdiyi kimi, Türkiyə gələcəkdə danışıqları qəbul etməyə və vasitəçilik imkanlarını da əhatə edən məsuliyyəti üzərinə götürməyə hazırdır”.
Qeyd edək ki, bu mövqe Türkiyənin regionda sülhə töhfə vermək istəyini bir daha göstərir.
Fatimə Məmmədova
15:35 09.04.2025
Oxunuş sayı: 10375
