ABŞ-ın Yəməndəki hava hücumlarında 6 nəfər öldü
Husilər ABŞ-ın Yəməndə endirdiyi son hava zərbələri nəticəsində ən azı 6 nəfərin həlak olduğunu, 16 nəfərin isə yaralandığını açıqlayıb. Hədəf Hudeyda şəhəri yaxınlığındakı Əl-Havak bölgəsi olub. Hücumun, üsyançı liderləri məhv etməyə yönəlmiş daha geniş əməliyyatın bir hissəsi olduğu ehtimal edilir.
Crossmedia.az xarici mediaya istinadən bildirir ki, ABŞ-ın zərbələri Səna yaxınlığındakı Cebel Nuqum, eləcə də Amran, Dhamar və İbb əyalətlərini də əhatə edib. Amranda telekommunikasiya infrastrukturu zədələnib, ümumilikdə daha üç nəfər yaralanıb.
Vaşinqton hələlik hücumları rəsmən təsdiqləməyib. Müdafiə naziri Pit Hegseth əməliyyatların uzunmüddətli olacağını, ABŞ-ın husilərə qarşı təzyiqləri davam etdirəcəyini bildirib. Qeyd edək ki, husilər 2023-cü ildən bəri Qırmızı dənizdə 100-dən çox ticarət gəmisinə hücum ediblər.
Zəhra Ağayeva
15:11 09.04.2025
Oxunuş sayı: 1709
