Rusiya Fransa səfirini XİN-ə çağırdı
Rusiya Xarici İşlər Nazirliyi Fransanın Moskvadakı səfirini nazirliyə çağıraraq Parisdəki Şarl de Qoll aeroportunda Rusiya XİN əməkdaşının saxlanılması ilə bağlı demarş edib. Crossmedia.az bildirir ki,bu barədə Rusiya Xarici İşlər Nazirliyinin rəsmi nümayəndəsi Mariya Zaxarova brifinqdə məlumat verib.
“6 aprel tarixində Şarl de Qoll aeroportunda baş verənlər izaholunmazdır. Fransanın sərhəd xidməti heç bir səbəb göstərmədən Rusiya Xarici İşlər Nazirliyinin əməkdaşını – rəsmi nümayəndə heyətinin üzvünü saxlayaraq onun telefon və kompüterini müsadirə edib”, – deyə Zaxarova bildirib.
Qeyd edək ki,hadisə ilə bağlı Rusiyanın Fransadakı səfirliyi Fransa Xarici İşlər Nazirliyinə etiraz notası təqdim edib. Paralel olaraq, Fransanın Moskvadakı səfirliyinin rəhbərliyinə də Rusiya XİN-də etiraz bildirilib.Onun sözlərinə görə, görülən demarş tədbirləri nəticəsində rusiyalı diplomata ölkəyə giriş icazəsi verilib. Lakin buna baxmayaraq, o, bir sutka müddətində hava limanının sərhəd zonasında qalmağa məcbur olub.
Fidan Xəlilova
14:55 09.04.2025
Oxunuş sayı: 1500
