Paşinyanı hakimiyyətdən uzaqlaşdırmaq istəyən “Vaqnerçi”lərdən xəbər yoxdur
Ermənistanda “Vaqner” özəl hərbi şirkətinə məxsus 12 min döyüşçünün ölkəyə gətirilməsi ilə bağlı istintaq hələ də davam edir.
Crossmedia.az xəbər verir ki, bu barədə “Sputnik Armenia”-nın sorğusuna cavab olaraq ölkənin İstintaq Komitəsi məlumat yayıb.
Xatırladaq ki, 2023-cü ilin sentyabrında – İrəvanda keçirilmiş bələdiyyə seçkiləri ərəfəsində – hökumətyönlü “Telegram” kanallarından biri Baş nazir Nikol Paşinyanın “Vaqner” döyüşçüləri vasitəsilə hakimiyyətdən uzaqlaşdırılacağı ilə bağlı iddialar irəli sürmüşdü.
Sonra Paşinyan parlamentdə çıxışı zamanı qeyd etmişdi ki, Milli Təhlükəsizlik Xidməti məlumatı araşdırır. 2023-cü ilin sonunda isə MTX bu məsələ ilə bağlı cinayət işini İstintaq Komitəsinə təqdim edib.
Hazırda istintaq çərçivəsində “Vaqner” üzvlərinin Ermənistanda olub-olmadığı müəyyənləşdirilməyib. İş üzrə araşdırmalar davam edir.
Xumar Emilqızı
19:18 08.04.2025
Oxunuş sayı: 1656
