İranlı millət vəkili ABŞ ilə danışıqlarla bağlı Pezeşkiana çağırış etdi
Bu gün İran parlamentinin nümayəndəsi Məhəmmədrza Bafqi ABŞ ilə dolayı danışıqlar qərarına reaksiya verərək ölkə prezidenti Məsud Pezeşkiana səslənib:
“Cənab Pezeşkian aldanmayın, Trampdan da qorxmayın... İqtisadi problemlərimiz var və onları həll etmək hamımızın borcudur... ABŞ-nin bizim müdafiə və raket silahlarımızla, eləcə də nüvə texnologiyamız və uranı zənginləşdirməyimizlə bağlı problemi var”.
Bu barədə Crossmedia.az İran mediasına istinadən məlumat verir.
Millət vəkili illər öncə imzalanan Birgə Hərtərəfli Fəaliyyət Planına (JCPOA) toxunaraq, “razılaşmadan dərhal sonra İrana sanksiyalar tətbiq edildiyini” xatırladıb.
“Biz onların qarşısında dayanmalıyıq. Tramp və Netanyahunun cavabı nüvə silahı yaratmaq və güclü olmaqdır. Yaşamaq əzminiz varsa, gəlin, güclü olaq”, - deyə, deputat vurğulayıb.
17:00 08.04.2025
Oxunuş sayı: 8396
